Афоризмы на казахском языке. Қазақ афоризмдерi.

Жастықта көкірек - зор, уайым - жоқ.

Үш-ақ нәрсе адамның қасиеті: ыстық қайрат, нұрлы ақыл, жылы жүрек.

Арын сатқан антұрғанның айтқан сөзі құрсын.

Арсыз сөз қыдыртып, жұрт құтыртуға құмар.

Ақыл, қайрат, жүректі бірдей ұста,
Сонда толық боласың елден бөлек.

Нысап пен ұят әділеттен шығады.

Бұл фани ұзақ болса жүз жыл болар,
Байқасаң тоқтауы жоқ бұл бір сонар.
Сонаршы кешке дейін түлкі қуған,
Күн батып, шаршаған соң, ақыр қонар.

Ажал жетпей - өлмек жоқ.

Бақ қонады ұл таңдап,
Қонақ қонар үй тандап.
Болымы жоқ бозбала,
Бейнеттен қашар бұлтыңдап.

Адам баласы бір-біріне өкімші де, құл да болған.

Орындалған арман - бақыт,
Орындалмаған арман - күйік.

Ағасы бардың - панасы бар, інісі бардың - тынысы бар.

Тірі адам - табылар.

Аз сөйлер де, көп тыңдар хас асылдың баласы.

Бір аяқ сусын - екі кісінің құны: су табылмаса шөлдеген өледі, ұяттан - тауып бермеген өледі.

Өзі таза адам өзгеге күйе жаға алмайды. Күйе жағу үшін өзінде күйе болу керек.

Қазаққа ар-ұят ең жоғары саналады.

Ел адамымен сөйлессең - ауыл-аймағын айтады, қала адамымен сөйлессең - үйіндегі жиған-тергенін айтады, қыр адамымен сөйлессең - бота менен тайлағын айтады, ал тексізбен сөйлессең - қайдағы-жайдағы аузына келгенін айтады.